Fjáröflun fyrir hópa: hver og einn safnar, alto sér um vörurnar

Hvað er alto?

alto er íslensk fjáröflunarlausn fyrir skóla, útskriftarhópa, íþróttalið og aðra skipulagða hópa. Hver þátttakandi fær sína eigin söfnunarsíðu þar sem vinir og fjölskylda panta vörur og greiða fyrir þær á netinu. alto sér um vörurnar og kemur þeim til hópsins þegar söfnun lýkur, og ágóðinn er greiddur út eftir afhendingu.

alto hentar hópum sem safna fyrir sameiginlegu markmiði, til dæmis útskriftarferð, keppnisferð eða búnaði, og vilja að hver og einn geti safnað fyrir sig. alto er gert fyrir hópa eins og:

• Bekkir og útskriftarhópar
• Nemendafélög og foreldrafélög
• Íþróttafélög, lið og flokkar
• Kórar og aðrir skipulagðir hópar

Svona gengur söfnun fyrir sig

Frá fyrsta símtali að útgreiðslu ágóða eru skrefin fimm.

1. 01

   Hópurinn er skráður

   Tengiliður hópsins hefur samband við alto. Saman ákveðum við söfnunartímabil, afhendingarstað og vörulista hópsins. Þá fær hópurinn sinn hópkóða.

2. 02

   Þátttakendur stofna sína söfnun

   Hver þátttakandi skráir sig með hópkóðanum, velur vörur af lista hópsins og fær sinn eigin söfnunarhlekk. Fyrir þátttakendur undir 18 ára stofnar forráðamaður söfnunina.

3. 03

   Fólk pantar og greiðir á netinu

   Þátttakendur deila hlekknum með vinum og fjölskyldu. Kaupendur panta á söfnunarsíðunni og greiða með korti í greiðslugátt Straums. Enginn í hópnum þarf að taka við peningum.

4. 04

   alto sér um vörurnar

   Þegar söfnun lýkur pantar alto vörurnar, flokkar þær eftir þátttakendum og kemur þeim á afhendingarstað hópsins, til dæmis í skólann eða íþróttahúsið.

5. 05

   Afhending og ágóði

   Þátttakendur sækja sínar vörur og koma þeim til kaupenda. Ágóðinn er greiddur inn á bankareikning þátttakandans að loknum 14 daga biðtíma, þegar skilyrði fyrir útgreiðslu eru uppfyllt.

Hver gerir hvað?

alto tekur að sér það sem venjulega lendir á gjaldkera eða foreldrum. Hópurinn sér um fólkið og afhendinguna.

Greiðslur og ágóði

Kaupendur greiða með greiðslukorti í greiðslugátt Straums greiðslumiðlunar hf. Hópurinn kaupir engar vörur fyrir fram og þarf ekki að liggja með lager.

Ágóðinn er föst upphæð fyrir hverja vöru sem er pöntuð. Upphæðin sést fyrir hverja vöru áður en söfnun hefst, svo þátttakendur vita hvað hver pöntun skilar.

Ágóðinn er greiddur út í einu lagi eftir afhendingu, að loknum 14 daga biðtíma og þegar skilyrði fyrir útgreiðslu eru uppfyllt. Biðtíminn hefst þegar þátttakandi staðfestir afhendinguna. Kaupendur hafa 14 daga frá pósti um afhendinguna til að láta vita ef eitthvað vantar. Ef mál er óleyst bíður útgreiðslan þar til það er leyst.

Ágóðinn er greiddur hverjum þátttakanda, eða forráðamanni hans, en ekki í einn sameiginlegan sjóð. Nánar er fjallað um þetta í viðskiptaskilmálum fyrir safnara.

Hvaða vörur eru í boði?

Vörurnar eru heimilisvörur og matvörur sem flest heimili nota hvort sem er, til dæmis klósettpappír og eldhúsrúllur. Hver hópur fær sinn eigin samþykkta vörulista og hver þátttakandi velur hvaða vörur af honum hann býður upp á.

Vöruúrvalið ræðst af samningum alto við birgja og getur breyst. Dæmi um vörur eru á forsíðunni.

Hvað þarf að ákveða áður en söfnun hefst?

Söfnunin gengur betur ef þetta liggur fyrir áður en þátttakendur fá hópkóðann:

• Markmiðið og hvenær söfnun fer fram. Söfnunartímabil er alla jafna um tvær vikur.
• Hver er tengiliður hópsins við alto.
• Hvar vörurnar eru afhentar og hver tekur á móti þeim.
• Hvort ágóðinn á að renna í sameiginlegan sjóð. Hann er greiddur hverjum þátttakanda, svo hópurinn þarf að ákveða það sjálfur.
• Hverjir eru yngri en 18 ára. Fyrir þá stofnar forráðamaður söfnunina.

Spurningar og svör